Faleminderit, kryetar! E nderuar ministre, Prej vitesh janë cituar emra projektesh dhe bashkëpunimesh lidhur me orientimin në karrierë të nxënësve tanë në të gjitha ciklet. Me gjithë përmirësimet në disa drejtime, siç jemi të gjithë në dijeni, në vendin tonë mungon orientimi në karrierë në kohën e duhur gjatë studimeve shkollore. Duke qenë se plani qeveritar parashikon forcimin e shkollimit profesional dhe orientimin drejt tij në karrierë të nxënësve, bëhet i domosdoshëm. Pyetja është kjo, zonja ministre: A keni në plan dhe nëse po, kur do ta filloni programin e orientimit në karrierë në të gjitha shkollat e vendit, prej klasave të ulëta, pra para se të zgjedhin drejtimin për shkollimin e mesëm? Faleminderit!